25. marts
Svineibas
PYRMAIS LASEJUMS Is 7, 10-14; 8, 10
Jaunova ījems un dzemdēs Dālu.
LASEJUMS NU PRAVĪŠA ISAJA GRŌMOTAS
Tamōs dīnōs:
Kungs runōja, saceidams Judas kēneņam
Ahazam:
«Prosi nu Kunga, sova Dīva, sev
zeimi vai nu pazemes
dziļumim, voi nu dabasu
augstumim.»
Bet Ahazs atbiļdēja: «Es nalyugšu
un nakārdynōšu
Kungu.»
Tod Isajs saceja:
«Tod klausīs, Davida noms.
Voi tod jums napīteik ar cylvāku
apgryutynōšonu,
ka jyus kļyustat napanasami ari
munam Dīvam?
Tōpēc Kungs pats dūs jums zeimi.
Raug, Jaunova ījims un dzemdēs Dālu,
un Jō vōrds byus Emanueļs, jo Dīvs
ir ar mums.»
Tys ir Dīva vōrds.
PSALME 40 (39)
Refrens: Redzi, es nōku piļdeit Dīva grybu. (R. 8a un 9a)
7 Kaunamū un ādamū upuri tu naesi gribējis,
bet esi atvēris maņ ausis.
Dadzynojamū un gondareišonas upuri
tu naesi
prasejis,
8 tod es saceju: «Redzi, es nōku.
Refrens
Grōmotas veistūklī ir raksteits
par mani.
9 Piļdeit tovu grybu, muns Dīvs, es vēlejūs;
un tovs Lykums ir munā sirdī.»
Refrens
10 Es sludynoju tovu taisneibu lelā draudzē;
raug, munas lyupas es naaizvēru –
Kungs, tu zini.
Refrens
11 Tovu taisneibu es naapslēpu munā sirdī
un sludynōju tovu uzticeibu un
paleidzeibu.
Tovu žāļsirdeibu un tovu uzticeibu
es naasu slēpis
lelas draudzes prīškā.
Refrens
ŪTRAIS LASEJUMS Ebr 10, 4-10
Kristus nōk piļdeit Tāva grybu.
Nav īspējams grākus atceļt ar vēršu
un ōžu asni. Tōpēc,
īnōkdams pasaulē, Kristus soka:
«Upurus un dōvonas tu
naesi gribējis, bet esi maņ
radejis mīsu. Dadzynojamī upuri
un upuri par grākim tev napatyka.
Tod es saceju: Redzi, es
nōku. Grōmotas sōkumā ir raksteits
par mani, lai es
izpiļdeitu, Dīvs, tovu grybu.»
Īprīkš pateicis: «Upurus un dōvonas,
dadzynojamūs upurus
un upurus par grākim tu naesi gribējis,
un tī tev
napatyka», lai gon tī tyka nasti
saskaņā ar Lykumu, pēc
tam jys soka: «Redzi, es nōku, lai
izpiļdeitu tovu grybu.»
Jys atceļ pyrmū upuri, lai nūdybynōtu
ūtru.
Pamatojūtīs uz šū grybu, mes asam
svātdareiti ar Jezus
Kristus mīsas upurēšonu reizi par
vysom reizem.
Tys ir Dīva vōrds.
PYRMSEVANGELIJA DZĪDŌJUMS Jņ 1, 14ab
R. Alleluja.
V. Vōrds kliva mīsa un dzeivōja storp mums,
un mes redzējom jō gūdeibu.
R. Alleluja.
EVANGELIJS Lk 1, 26-38
Marija ījims un dzemdēs Dālu.
UZRAKSTEJIS SVĀTAIS LUKASS
Tymā laikā:
Dīvs syuteja eņgeli Gabrieli uz
Galilejas piļsātu, kas saucēs
Nazarete, pi Jaunovas, kas beja
sadarynōta ar veiru, vōrdā
Jezups nu Davida ciļts. Un
Jaunovas vōrds beja Marija.
Un eņgeļs, īgōjis pi jōs, saceja:
«Esi sveicynōta,
žēlesteibas pylnō, Kungs ir ar
tevi.»
Jei sasatryuka par šim vōrdim un dūmōja,
kas tys varātu
byut par sveicīni.
Bet eņgeļs jai saceja:
«Nasabeisti, Marija, jo tu esi atroduse
žēlesteibu pi Dīva. Redzi, tu ījimsi
un dzemdēsi Dālu,
un jū nūsauksi vōrdā Jezus. Jys
byus lels, un jū sauks par
Vysuaugstō Dālu, un Kungs Dīvs jam
dūs jō tāva Davida
trūni. Un jys vaļdeis pōr Jākuba
nomu myužeigi, un jō
vaļsteibai nabyus gola.»
Tod Marija saceja eņgeļam: «Kai
tys nūtiks, jo es taèu
veira napazeistu?»
Un eņgeļs jai atbyldūt saceja: «Svātais
Gors nōks pōr
tevi, un Vysaugstō spāks tevi apānōs.
Tōpēc ari Svātais, kas
pīdzims, tiks saukts par Dīva Dālu.
Redzi, Elizabete, tova
radineica, vēļ sovā vacumā ir ījēmuse
dālu, un šys ir sastais
mēness tai, kuru sauc par
naaugleigu. Dīvam taèu nikas
nav naīspējams.»
Tod Marija saceja: «Raug, es asu
Kunga kolpyune; lai
maņ nūteik pēc tova vōrda.» Un eņgeļs
nu jōs aizgōja.
Tys ir Kunga vōrds.