PYRMAIS LASEJUMS 2 Kēn 5, 1–15a
Nāmana izdzīdynōšona Jordanas yudiņūs.
LASEJUMS NU KĒNEŅU ŪTRŌS GRŌMOTAS
Tamōs dīnōs:
Nāmans, Sirijas kēneņa karaspāka vērspavēļnīks,
beja lels sova kunga prīškā un augsti gūdōts, jo caur jū Kungs beja devis
uzvaru Sīrijai. Bet šys drūšsirdeigais veirs beja spitaleigs. Nu Sīrijas beja
izgōjuši syrōtōji un pōrvaduši gyustā nu Izraeļa zemes mozu meitineiti, kas
tagad beja Nāmana sīvys kalpeibā. Jei saceja sovai pavēļneicai: «Kaut muns
kungs byutu bejis pi pravīša, kas ir Samarijā! Jys nūteikti jū izdzīdynōtu nu jō
spitaleibas.» Tōpēc Nāmans īgōja pi sova kunga un teice jam, saceidams: «Tai un
tai runōja meitine nu Izraeļa zemes». Un Sīrijas kēneņš jam atbiļdēja: «Ej! Un
es nūsyuteišu vēstuli Izraeļa kēneņam.» Jys, pajēmis leidza desmit talentus
sudroba, sešas tyukstūšas syuklu zalta un desmit kōrtas svātku drēbu, devās ceļā
un Izraeļa kēneņam aiznese vēstuli, kurā beja šaidi vōrdi: «Kod tu sajimsi šū vēstuli,
tod zyni, ka es syutu pi tevis sovu kolpu Nāmanu, lai tu jū izdzīdynōtu nu jō
spitaleibas». Izlasejis vēstuli, Izraeļa kēniņš pōrplēse sovas drēbes un īsasauce:
«Vai tod as asu Dīvs, ka varātu nūnōvēt un otkon atdzeivynōt? Jo šys taču syuta
pi manis, lai es izdzīdynoju cylvāku nu jō spitaleibas? Jemit vāra un skotitēs,
vai tik jys nameklej streidu īmesli pret mani!» Bet, kod Dīva veirs Elisejs par
tū dabōja dzērdēt, ka Izraeļa ķēneņš asūt pōrplēsis sovas drēbes, jys syuteja
jam ziņu, saceidams: «Kōpēc tu plūseji sovas drēbes? Lai jys atnōk pi manis un
lai zyna, ka Izraelī ir pravīts.» Tai īsaroda Nāmans ar zyrgim un rotim un
apsastōja pi Eliseja noma durovom. Bet Elisejs lyka izīt pi jō syutnim, saceidams:
«Aizej un septeņas reizes nūsamozgoj Jordanā. Un tova mīsa atgyus veseleibu, un
tu kļyusi teirs.» Nāmans sasadusmōjis aizgōja, saceidams: «Es dūmoju, ka jys izīs
ōrā pi manis un stōvādams pīsauks Kunga, sova Dīva, vōrdu, un ar sovu rūku
aizskars spitaleigū vītu, un mani izdzīdynōs. Vai tod Abana un Farfara,
Damaskas upes, nav lobōkas nakai vysi Izraeļa yudini? Vai tod es tamōs nabyutu
varējis nūsamozgōt un kļuyt teirs?» Bet, kod jys dusmēs apsagrīze un devēs prūjom,
pi jō pīgōja jō kolpi un jam saceja: «Tāvs, jo pravīts tev byutu licis izdareit
lelu lītu, tu nūteikti tū izpiļdeitu, tōpēc vēļ vairōk tagad, jo jau jys tev ir
teicis: «Mozgojīs un tu kļyusi teirs!».» Tod jys nūkōpe lejā un īsagremdēja
Jordanā septiņas reizes saskaņā ar Dīva veira vōrdim. Un jō mīsa kliva otkon vasala
kai moza bārna mīsa, un jys topa teirs. Un, ar vysim sovim pavodūnim atsagrīzis
pi Dīva veira, jys gōja un nūsastōja jō prīškā, un saceja: «Patīši es zynu, ka
vērs zemes Dīva nav cytur, kai tikai Izraelī. Lyudzu, pījem sova kolpa
pateiceibu.»
Tys ir Dīva vōrds.
PSALME 42 (41)
Refrens: Muna
dvēsele ilgojās pēc dzeivō Dīva. (R.
Ps 42, 3)
2 Kai
brīds slōpst pēc yudiņa olūtim,
tai muna dvēsele ilgojās pēc tevis, Dīvs.
3 Muna
dvēsele slōpst pēc Dīva, pēc dzeivō Dīva;
kod es īšu un nūsastōšu Dīva vaiga prīškā?
Refrens
3 Syuti
sovu patīseibu un sovu gaismu,
lai tei mani voda
un aizvad uz tovu svātū kolnu
un tovu teļti.
Refrens
4 Un es
īšu pi Dīva oltora,
pi Dīva, kas ir munas prīcas olūts.
Dīvs, muns Dīvs, es slaveišu tevi
ar kūkles skaņom.
Refrens
PYRMSEVANGELIJA DZĪDŌJUMS Sal.
Ps 130, 5. 7
Lai ir slaveits Dīva vōrds.
Es cereju uz Dīvu un pasaļaunu uz jō vōrdu,
jo Kungs ir ļūti žēleigs un pesteišonu
bogōti dōvoj.
Lai ir slaveits Dīva vōrds.
EVANGELIJS Lk 4, 24–30
Jezus ir syuteits pi vysim ļaudim.
LASEJUMS NU JEZUS KRISTUS EVANGELIJA, KŪ UZRAKSTEJIS SVĀTAIS
LUKASS
Nūnōcis Nazaretē, Jezus sinagogā saceja ļaudim:
«Patīši es jums soku: Nivīns pravīts nav
labvēleigi uzjimts sovā tēvijā. Es jums soku patīseibu: «Daudz atraitņu Izraelī
beja Elija laikā, kod dabasi palyka aizslāgti trejs godus un sešus mēnešus, tai
ka vysā zemē vaļdeja lels bods; tūmār Elijs ni pi vīnas nu tom natyka syuteits,
kai tikai pi atraitnes Sidonas Sareptā. Un daudz spitaleigūs Izraelī beja pravīša
Eliseja laikā, bet nivīns nu jim natyka škeisteits, kai tikai sīrīts Nāmans.» Tū
dzēržūt, vysi sinagogā īsadaga dusmēs. Jī pīsatryuka nu vītom, izmete jū nu piļsātas
un aizvede leidz pat kolna
Tys ir Kunga vōrds.